Бразилия терма жамоаси бош мураббийи Доривал Жуниор истеъфога чиқарилгач, маҳаллий футбол конфедерацияси (CBF) ушбу лавозимга хорижлик мутахассисни тайинламоқчи. Бу ҳақда UOL хабар бермоқда.
Манбага кўра, CBF қуйидаги номзодларни кўриб чиқмоқда: "Реал"ни бошқараётган Карло Анчелотти, "Манчестер Сити"ни бошқараётган Хосеп Гвардиола, шунингдек, "Ал-Ҳилол"да ишлаётган Жорже Жезуш.
CBF президенти Эдналдо Родригес Анчелотти номзодини маъқул кўрмоқда. Шу билан бирга, Гвардиола терма жамоа раҳбарияти учун очиқ экани ва Бразилияни алоҳида яхши кўриши таъкидланган.
Доривал Жуниор Бразилия терма жамоасини 2024 йилнинг январидан буён бошқариб келаётганди. "Пентакампионлар" 2026 йилги жаҳон чемпионати саралашининг 14 туридан сўнг тўртинчи ўринни эгаллаб турибди.
Месси ва Роналду бир клубда ўйнаши мумкин
Криштиану Роналду мусулмон аҳлига мурожаат йўллади
Хосеп Гвардиола ўзбекистонлик ҳимоячи Абдуқодир Ҳусанов ҳақида фикр билдирди
