Гвардиола "Реал"нинг юлдуз футболчи трансферига тўсқинлик қилган

Мадриднинг "Реал" клуби "Манчестер Сити"дан ярим ҳимоячи Родрини ўз сафига қўшиб олмоқчи эди.

Бироқ, El Nacional хабарига кўра, шахсан "шаҳарликлар" бош мураббийи Хосеп Гвардиола футболчининг сотилишига қарши чиқиб, Родрини жамоасининг асосий ўйинчиси эканини айтган. Пойтахт клубининг қизиқишига қарамай, мураббий "Родри сотилмайди," деб таъкидлади.

Испаниялик футболчининг 2024 йил сентябрь ойида олган хочсимон пайлари узилиши туфайли Родри ўтган мавсумнинг катта қисмини ўтказиб юборди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 110 млн еврони ташкил этади. Гвардиола яқинда берган интервьюсида Родри аввалроқ жароҳат олган тиззасида оғриқ сезгани ва ҳозирча таркибда эмаслигини маълум қилганди.