Ғиждувон тумани «Нодирабегим» маҳалласида яшовчи, 1995 йилда туғилган С.З. исмли шахс “OLX” онлайн савдо сайтига кирган вақтида, Телеграм мессенжери орқали ўзини «Дмитрий» деб таништирган номаълум шахс унга тегишли уяли телефон қурилмасини сотиб олишга ва пулини пластик картасига “click” иловаси орқали ташлаб беришини айтиб, пластик карточкаси кодини олиб, карта ҳисобида бўлган жами 2.683.000 сўм миқдоридаги пулларини ечиб олган.
Мазкур ҳолат юзасидан «Дмитрий» исмли номаълум шахсга нисбатан Ўзбекистон Республикаси Жиноят кодексининг 169-моддаси 1-қисми билан жиноят иши қўзғатилиб, олиб борилган тезкор техник, суриштирув ҳамда тергов ҳаракатлари давомида ушбу жиноятни Тошкент шаҳар Яшнобод тумани Қоракўл кўчасида яшовчи, 2000 йилда туғилган М.Р. исмли шахс содир қилганлиги аниқланди.
Ҳозирги кунда ушбу шахснинг бошқа шу турдаги содир этилиб фош этилмасдан қолаётган жиноятларга алоқадорлигини аниқлаш борасида дастлабки тергов ҳаракатлари давом борилмоқда.
Ўзбекистон тиббиёти оғир жудоликка учради
Сирдарёда аёл ва унинг фарзандларини ўлдириб, уйни ёқиб юборишди
Шавкат Мирзиёевни ҳақоратлаб, изоҳ ёзган йигит 5 йилга қамалди
