Германия терма жамоаси ҳужумчиси: "Мен икки марта ўлиб кетишимга сал қолди"

"Штутгарт" ва Германия терма жамоаси ҳужумчиси Дениз Ундав денгиз маҳсулотларининг аксариятига бўлган аллергияси ҳақида гапириб берди.

"Менда икки марта аллергик реакция бўлган; иккаласида ҳам ўлиб кетишимга сал қолган. Ҳамма жойим шишиб кетади ва нафас ололмай қоламан. Мен илгари бунақасини ҳеч қачон эшитмаган эдим", — дейди Ундавнинг сўзларини келтирган "The Sun".

Ундав 2024 йилдан бери "Штутгарт"да ўйнаб келмоқда. Форварднинг немис клуби билан шартномаси 2029 йилгача мўлжалланган. Германия терма жамоасида форвард 2024 йилда дебют қилган. Шу вақт ичида у 13 та ўйин ўтказиб, ўз ҳисобига 9 та гол ёздириб қўйди. Терма жамоа таркибида у ЖЧ-2026 да иштирок этди, у ерда жамоа 1/16 финалгача етиб бориб, ушбу босқичда Парагвай миллий терма жамоасига имкониятни бой бериб қўйди (1:1, пенальтилар бўйича 3:4).