Ижтимоий тармоқларда халқимизнинг севимли сўз устаси Шукурилло Исроилов Маданият вазири ўринбосари лавозимига тайинлангани ҳақида хабарлар тарқалмоқда.
Мазкур хабар юзасидан Маданият вазирлиги қуйидагиларни маълум қилади.
Бугун, 21 август куни маданият вазири Озодбек Назарбеков Тошкент шаҳрида маданият ва санъат соҳасида амалга оширилаётган ишлар, соҳадаги ислоҳотлар ижроси ҳамда келгусидаги устувор вазифалар юзасидан соҳа вакиллари иштирокида йиғилиш ўтказди. Йиғилиш доирасида ташкилий масалалар ҳам кўриб чиқилди. Унга кўра, Бахромов Бекзод Бахром ўғли Тошкент шаҳар маданият бошқармаси бошлиғи лавозимига тайинланди.
Шунингдек, халқимизнинг севимли сўз устаси Исроилов Шукурилло Ахмадқулович Тошкент шаҳар маданият бошқармаси бошлиғи ўринбосари лавозимига тайинланган.
