Германия Россия билан уруш бошланган тақдирда кўп сонли ярадорларни қабул қилиш учун касалхоналарни тайёрламоқда. Бу ҳақда РИА Новости хабар берди.
“Соғлиқни сақлаш тизимимиз бунга тайёрми? Ягона жавоб — йўқ. Бизни марафонга ўхшаш узоқ ва оғир жараён кутмоқда”, деди Улмдаги ҳарбий госпитал қўмондони Бенедикт Фримерт.
Қайд этилишича, Германия ҳукумати бу шаҳардаги ҳарбий госпитал остида жойлашган тиббий бункерни қайта очишни буюрган. Мақолада Бундесвернинг (Германия қуролли кучлари) ҳисоботига ҳам иқтибос келтирилган.
Унда Россия билан эҳтимолий ҳарбий ҳаракатлар сценарийси келтирилган: низо чиққан тақдирда Германияга ҳар куни 1000 нафаргача ярадор аскар олиб келиниши мумкин.
Апрель ойида Берлин ўзининг ҳарбий стратегиясини расман тасдиқлаганди. Унда 2039 йилга бориб Европадаги энг қудратли армияни тузиш мақсади қўйилган. Ҳужжатда Россия “асосий таҳдид” деб аталган. Россия президенти матбуот котиби Дмитрий Песков бу концепцияни “қарама-қаршиликнинг яққол кўриниши” деб баҳолаган.
"СИ шу ўн йиллик охирига келиб барчамизни ўлдириши мумкин"
АҚШ Эронда қулаган F-15E учувчиларини эвакуация қилиш операцияси кадрларини махфийликдан чиқарди
Бошланғич синф қизлари учун ҳижобни тақишни тақиқлаш таклиф қилинмоқда
