Германиянинг ўнг қанот "Die Heimat" ("Ватан") партиясидан Фелтен шаҳар кенгаши аъзоси Роберт Волински жамоатчилик асосида Европа ишлари бўйича вакил лавозимини эгаллайди, деб хабар бермоқда Märkische Allgemeine нашри.
Бранденбург федерал еридаги ушбу шаҳар веб-сайтида кўрсатилишича, бу лавозим расман "Европа бирлиги ва интеграцияси ғоясини тарғиб қилиш" учун мўлжалланган. Шу билан бирга, "Die Heimat" неонацистларнинг Германия Миллий-демократик партияси издоши ҳисобланади.
Die Welt нашрининг қайд этишича, янги партия евроскептицизм тарафдори бўлиб, Европа Иттифоқи ўрнига "суверен давлатлар ўртасидаги ҳамкорликни" ёқлайди. Партия, шунингдек, Берлиннинг NATO'дан чиқишини ва немис маркасининг қайтарилишини талаб қилади. 2024 йилда Германия Конституциявий суди партияни олти йилга давлат молиялаштирувидан маҳрум қилган эди.
Аҳолиси 13 минг кишини
ташкил этувчи Фелтен шаҳри Берлиннинг шимолида жойлашган. У ерда ўнг "Die Heimat" партияси вакилининг тайинланиши деярли муқаррар эди, чунки маҳаллий шаҳар кенгашида у, ўта ўнгчи "Германия учун муқобил" (AfD) партияси ва унга яқин бўлган маҳаллий сайловчилар иттифоқи вакиллари жами 14 та ўринни эгаллайди. Ҳолбуки, ХДИ консерваторларида атиги учта, социал-демократлар, Сўллар партияси ва яна бир кенгаш аъзосидан иборат коалицияда эса еттита ўрин бор, дейилади хабарда.
Эрон 57 та мусулмон давлатидан иборат “Ислом NATOси” ни тузишга чақирди
АҚШда қуш уяси сабабли харидор ўзи сотиб олган автомобилга эгалик қила олмаяпти (фото)
Андижонда мактаб ўқувчилари ўртасида жанжал келиб чиқди
