Андижон тумани Ички ишлар бўлими ижтимоий тармоқларда тарқалган Андижон туманидаги вояга етмаган қизлар ўртасидаги ҳолат юзасидан расмий муносабат билдирди.
Жорий йилнинг 22 май куни ижтимоий тармоқларда Андижон тумани ҳудудида бир гуруҳ вояга етмаган қизлар ўртасида юзага келган жанжал акс этган видеолавҳа тарқалди.
Аниқланишича, ушбу воқеа жорий йилнинг 16 апрель куни Андижон туманида жойлашган 5-сонли умумтаълим мактаби ўқувчилари ўртасида содир бўлган.
Ўрганишлар давомида 9-синф ўқувчиси Р.Д. ва мазкур таълим муассасасининг 7, 9 ва 11-синфларида таҳсил олувчи бир гуруҳ ўқувчи-қизлари ўртасида ўзаро келишмовчилик юзага келган.
Ушбу ҳолат жараёни ўқувчилардан бири томонидан мобил телефон орқали видеотасвирга олиниб, кейинчалик ижтимоий тармоқларга тарқатилгани маълум бўлди.
Мазкур ҳолат юзасидан вояга етмаганлар ҳамда уларнинг ота-оналари иштирокида профилактик суҳбатлар ўтказилиб, уларга нисбатан маъмурий тартибда чоралар кўрилди.
10 минг қадам юрганларга пул тўлайдиган платформа ишга тушди
Мактабларда «Сўнгги қўнғироқ» тадбирлари қачон ўтказилиши маълум бўлди
Орол Пекинга тегишли эмас ва унга бўйсунмайди
