Баҳодир Жалолов Ричард Торресни нокаутга учратган Фрэнк Санчесни жангга чорлади!

Супер оғир вазн тоифасидаги ўзбекистонлик профессионал боксчи Баҳодир Жалолов кубалик Фрэнк Санчес билан жанг қилиш истагини билдирди.

33 яшар Санчес 23 май куни Мисрнинг Гиза шаҳри мезбонлик қилган профессионал бокс оқшомида АҚШ вакили Ричард Торресни иккинчи раундда чуқур нокаутга учратиб, фаолиятидаги 26-ғалабасини нишонлаган эди.

Ҳамюртимиз мазкур жанг ҳақида ўз фикрини билдирар экан, Фрэнк билан жанг қилиш ниятида эканини маълум қилди.

"Фрэнк Санчес ва Ричард Торрес ўртасидаги жангни томоша қилдим. Боксда оғир вазн тоифаси шундай — биргина зарба ҳаммасини ўзгартириб юбориши мумкин. Агар Фрэнк Санчес жанг қилишни истаса — мен тайёрман", деб ёзган Жалолов.

31 ёшли Баҳодир проф фаолияти давомида ҳозиргача 17 та жанг ўтказиб, барчасида ғалаба қозонган.