Россия ташқи ишлар вазири Сергей Лавров АҚШ Давлат котиби Марко Рубио билан телефон орқали суҳбатлашди.
Бу ҳақда Россия Ташқи ишлар вазирлиги баёнотида айтилган.
Таъкидланишича, Россия президенти Владимир Путиннинг кўрсатмаси билан Лавров Америка томонига Россия Қуролли Кучлари Киевдаги Украина Қуролли Кучлари томонидан фойдаланиладиган объектларга, шунингдек, тегишли қарор қабул қилиш марказларига тизимли ва изчил зарбалар бераётгани ҳақида расман хабар берган.
"Қўшма Штатларга, Киевда ваколатхоналари бўлган бошқа давлатлар билан биргаликда, ўз дипломатик ходимлари ва бошқа фуқароларини Украина пойтахтидан эвакуация қилишни таъминлаш тавсия этилади", дейилади баёнотда.
Вазир 2025 йил август ойида Анкорижда АҚШнинг таклифи бўйича Россия-Украина можароси бўйича энг юқори даражада эришилган келишувларнинг долзарблигини яна бир бор таъкидлади.
Ташқи ишлар вазирликлари раҳбарлари, шунингдек, Ҳормуз бўғозидаги инқирозни ва Куба атрофидаги вазиятни ҳал қилиш бўйича дипломатик ташаббусларни баҳолашди.
"Лавров ва Рубио, маълум келишмовчиликларга қарамай, бир-бирининг ҳудудидаги Россия ва АҚШ дипломатик ваколатхоналарининг иш шароитларини нормаллаштириш бўйича саъй-ҳаракатларни кучайтиришга ўзаро содиқликларини тасдиқладилар", дейилади баёнотда.
Мактабларда «Сўнгги қўнғироқ» тадбирлари қачон ўтказилиши маълум бўлди
Эрон 57 та мусулмон давлатидан иборат “Ислом NATOси” ни тузишга чақирди
Президентнинг янги қарори қабул қилинди
