Ҳарбий техника учун эҳтиёт қисмларнинг кескин етишмаслиги ва Германия Мудофаа вазирлигидаги режалаштириш муаммолари мамлакатнинг мудофаа қобилиятига таҳдид солмоқда.
Бу ҳақда Süddeutsche Zeitung, WDR ва NDR нашрлари ҳарбий техникага хизмат кўрсатиш учун масъул бўлган Heeresinstandsetzungslogistik GmbH (HIL) компаниясининг ҳисоботига таяниб хабар беришди.
Нашрнинг ёзишича, Marder пиёда жанговар машиналари ва Panzerhaubitze 2000 ўзиюрар гаубицалари учун компонентларнинг етишмаслиги айниқса кескин бўлиб, бу таъмирлашнинг кечикишига ва жанговар тайёргарликнинг пасайишига олиб келади.
Ҳисоботда шунингдек, инфратузилмани модернизация қилишни режалаштириш, ходимлар етишмаслиги, IT-воситаларининг етишмаслиги ва барқарор таъминот занжирлари ва саноат ҳамкорлари билан узоқ муддатли шартномаларнинг йўқлиги билан боғлиқ муаммолар қайд этилган.
Интенсив машқлардан сўнг, айрим турдаги техникаларнинг жанговар тайёргарлиги 30% гача пасайиши мумкинлиги, шу билан бирга компаниядан камида 70% мавжудлик даражасини сақлаб қолиш талаб қилиниши ҳақида хабар берилган.
HIL маълумотларига кўра, май ойида Panzerhaubitze 2000 ўзиюрар гаубицаларининг ярмидан камроғи ишга яроқли эди ва Marder пиёда аскарларининг жанговар машиналари ва Boxer зирҳли транспортёрларининг катта қисми техник хизмат кўрсатилмоқда.
Ўзбекистонда янги кўл пайдо бўлди
Қирғизистонга юборилган 21 тонна тарвуз нега ортга қайтарилди?
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
