Қозоғистон президенти бу ҳақда Қосим-Жўмарт Тўқаев Омск шаҳрида Россия раҳбари Владимир Путин билан бўлиб ўтган учрашувда маълум қилди. Тўқаев Омскка Қозоғистон ва Россия ўртасидаги минтақалараро ҳамкорликнинг ХХII форумида иштирок этиш учун келган эди.
"Урушда ёшларнинг ҳалок бўлаётгани ачинарли. Бу қардош халқлар — Россия ва Украинанинг генофондидир. Буларнинг барига чек қўйилиши керак. Чунки содир бўлаётган воқеалар ҳар икки давлатнинг душманлари фойдасига хизмат қилмоқда ва уларни қувонтирмоқда", — деди у.
Тўқаев Россия ва Украина можароси бўйича унга Европа ва АҚШдан “кўплаб сигналлар” келиб тушаётганини таъкидлади.
"Биз украин халқига доимо ҳурмат билан муносабатда бўлганмиз. Ушбу можаронинг табиати кўпчилик учун, жумладан биз учун ҳам унчалик тушунарли эмас. Биламан, сиз Аляскада максимал даражада дипломатик мослашувчанлик намойиш этдингиз. Менинг ожизона фикрим: эҳтимол, можарони энди музлатиб қўйиш ва “Истанбул келишувлари 2.0” га қайтиш вақти келгандир. Албатта, АҚШ каби буюк давлатлар кафолати остида. Мен воситачи бўлишдан қатъиян бош тортаман", — дея қўшимча қилди Қозоғистон етакчиси.
"Қозоғистоннинг Россияга нисбатан позициясига келсак, шубҳа қилманг, биз ҳар доим Россияни, буюк давлат деб билганмиз ва ҳозир ҳам шундай деб биламиз. Дарвоқе, мен бу ҳақда барча халқаро форумларда доим айтиб келаман. Шунингдек, қанчалик қийин бўлмасин, Россия билан стратегик ҳамкорликка ва иттифоқчилик муносабатларига содиқмиз. Бугунги форум ҳам бунинг яққол тасдиғидир", — дея қўшимча қилди Тўқаев.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
