Қувайт ва Баҳрайн илк бор Эронга зарба бердими?

The Wall Street Journal маълумотига кўра, ҳар икки давлат Эроннинг ракета ва дрон омборларига ҳаво ҳужумлари уюштирган, БАА эса разведка ёрдами ҳамда ҳаво орқали қўллаб-қувватлашни таъминлаган.

The Wall Street Journal хабарига кўра, Қувайт ва Баҳрайн можаро бошланганидан буён илк бор Эрон ҳудудига ҳаво зарбаларини берган. Сўнгги ҳафталарда айнан шу икки давлат Эрон томонидан энг кучли ҳужумларга учраган эди.

Хабарга кўра, ҳаво ҳужумларининг асосий нишони дронлар ва ракеталар сақланадиган омборлар бўлган. Газетанинг ёзишича, Бирлашган Араб Амирликлари (БАА) Қувайт ва Баҳрайнга разведка маълумотлари билан ёрдам берган ҳамда операция давомида ҳаво орқали ҳимоя ва қўллаб-қувватлашни таъминлаган.

Нашрнинг таъкидлашича, Қувайт ва Баҳрайннинг можарога қўшилиши унинг янада кенгайганини англатади. Шу билан бирга, Саудия Арабистони ва БАА аввалроқ ҳарбий ҳаракатларда иштирок этган бўлса-да, кейинги пайтларда Эрон ҳужумларига нисбатан камроқ дуч келган.

The Wall Street Journal маълумотига кўра, БАА урушнинг дастлабки кунларидаёқ Эрон ҳудудига зарбалар бера бошлаган. Нашрнинг қайд этишича, Абу-Даби ҳарбий жиҳатдан фаолроқ позицияни сақлаб қолган ва Эрон ҳудудига ўнлаб ҳаво ҳужумларини амалга оширган.

АҚШ ҳарбийлари маълумотига кўра, 25 июль Эрон ҳудудига кетма-кет 13 кеча давом этган зарбалар сериясининг навбатдаги куни бўлган. Бундан ташқари, АҚШ президенти Дональд Трамп аввалроқ Эронга қарши «кенг кўламли ҳужум» уюштириш имкониятини кўриб чиқаётганини маълум қилган.