Германия АҚШдан яна 15 та F-35 ҳарбий самолётини сотиб олишни режалаштирмоқда

Германия Америкадаги Lockheed Martin компаниясидан яна 15 та бешинчи авлод F-35 ҳарбий самолётини харид қилишни режалаштирмоқда. Бу орқали Германия ўзининг келажакдаги ҳаво гуруҳини 35 тадан 50 тагача кенгайтиришни мақсад қилмоқда.

Бу ҳақда Politico нашри манбаларига таяниб хабар берган.

Нашрда қайд этилишича, мазкур режалаштирилаётган битим НАТО томонидан яқинда тасдиқланган янги ҳарбий кучлар ва қуролланиш даражаларига оид мақсадлар фонида жиддий эътиборни қозонган. Шу билан бирга, миллий мудофаа режаларини қайта кўриб чиқиш ҳам муҳокама қилинмоқда.