Афсуски, ҳаётда турли вазиятлар учрайди. Оилавий ажралишлар эса нафақат руҳий, балки моддий томондан ҳам қийинчиликлар туғдириши мумкин. Айниқса, келинлик сарполарини қайтариб олиш баъзида муаммога айланади. Аммо қонун ҳимоясида бундай муаммолар ҳал этилади.
Яқинда Мажбурий ижро бюросининг Ғаллаорол туман бўлимига Фуқаролик ишлари бўйича суднинг бир ижро ҳужжати келиб тушди. Унга кўра, фуқаро А.Ф. фойдасига, ажрашган турмушдан сўнг, келин бўлиб тушган уйидан 15 турдаги шахсий мол-мулкларни (келинлик сарполарини) олиб бериш белгиланган эди.
Давлат ижрочиси ушбу ижро ҳужжати асосида ишга киришди. Қарздор томон билан музокаралар олиб борилиб, ижро ҳаракатлари амалга оширилди. Холислар иштирокида ҳужжатда кўрсатилган барча 15 турдаги мол-мулк тўлиқ хатловдан ўтказилиб, ундирувчи фуқарога (келинга) қайтариб берилди.
МИБ ходимларининг тезкор ва қонуний ҳаракатлари натижасида фуқаро ўз қонуний мулкини қайтариб олишга муваффақ бўлди.
Аёлларнинг пенсия ёши яна 6 ойга оширилди
Жаҳонгир Ортиқхўжаев Анталяда 550 млн долларлик лойиҳа бошлагани маълум қилинмоқда
Кеча Ўзбекистонда энг иссиқ ҳарорат рекорди янгиланди!
