Гаитида маҳаллий тўда аъзоларининг ҳужуми оқибатида ўттиз киши ҳалок бўлди

Гаити пойтахти Порт-о-Пренс яқинидаги Кенскофф шаҳрида маҳаллий тўда аъзолари томонидан уюштирилган ҳужумда камида 30 киши ҳалок бўлди.

Бу ҳақда Кенскофф мэри Жан Массиллон хабар берди.

Кенссофф - Гаитининг Оуест департаментининг Порт-о-Пренс туманидаги коммуна бўлиб, пойтахтдан тахминан 10 километр жануби-шарқда, Чаине де ла Селле тоғ тизмаси этакларида жойлашган.

Сўнгги икки йил ичида шаҳарда тўдали ҳужумлар тез-тез содир бўлиб келмоқда. Агентлик маълумотларига кўра, инсон ҳуқуқлари ташкилотлари оммавий қотиллик, зўрлаш, ўт қўйиш ва одам ўғирлаш ҳолатлари ҳақида хабар беришган, бу эса минглаб одамларни уйларини тарк этишга мажбур қилган.