Футболда офсайд қоидасини тубдан ўзгартиришга қаратилган Арсен Венгер ташаббусининг келажаги сўроқ остида қолди. Канада чемпионатида ўтказилган синовлардан кейин янги тартиб етарлича қўллаб-қувватланмади.
«Венгер офсайди» қоидасига кўра, ҳужумчининг танаси бирор қисми охиргидан битта олдинги ҳимоячи билан бир чизиқда бўлса, у офсайдда ҳисобланмайди.
Канада Премьер-лигасининг 112 та учрашувида қўлланган тажриба натижасида офсайд қарорлари 54 фоизга камайган ва янги қоида туфайли қўшимча 13 та гол урилган.
Бироқ синовнинг салбий жиҳати ҳам кузатилди. Жамоалар ҳужумчиларга берилаётган устунликни камайтириш мақсадида ҳимоя чизиғини ўртача 3 метр ортга сурган.
BBC маълумотига кўра, футбол қоидаларини белгиловчи IFAB ташкилотининг эксперт гуруҳлари мазкур ўзгаришни давом эттиришни етарлича қўллаб-қувватламаган.
Шу сабабли «Венгер офсайди»нинг яқин вақтда халқаро футболга кенг жорий этилиши эҳтимоли камайган. Ҳозирча бу борада якуний қарор қабул қилинмаган.
Исроилда парламент сайловлари якунланди: Нетаньяху учун кутилмаган натижа
Россия Болтиқбўйи давлатларига қарши ядровий қурол қўллаши мумкин, агарда...
17 ёшли қиз ўлдирилиши 52 йилдан кейин фош этилди: унинг ота-онаси ҳақиқатни билмай вафот этди
