Футболда офсайд қоидаси ўзгариши кутилмоқда

Офсайдни қайд этиш қоидасини ўзгартириш яна кун тартибига қўйилди. Футбол қоидаларини тартибга солувчи IFAB Арсен Венгер анчадан бери илгари сураётган ўзгаришни қайта кўриб чиқишни бошлади.

Ғоя шундан иборатки, офсайд фақат ҳужум қилаётган ўйинчи бутун гавдаси билан тўп узатиш пайтида ҳимоя қилаётган жамоанинг сўнгги ўйинчисига қараганда дарвозага яқинроқ бўлгандагина қайд этилиши мумкин.

Cadena SER хабарига кўра, офсайд қоидасини ўзгартириш бўйича якуний овоз бериш 1 мартга белгиланган. Агар қарор ижобий бўлса, бу XXI асрда футбол қоидаларидаги энг катта ўзгаришлардан бири бўлади.

Қайд этилишича, қоида 2026 йилги жаҳон чемпионатидаёқ жорий этилиши мумкин. Лекин ҳаммаси овоз бериш натижаларига боғлиқ бўлади.