«Футбол тарихида Мессига ўхшаган бошқа футболчи бўлмаган»

«Рома» ва «Милан» клубларининг собиқ ҳужумчиси Антонио Кассано «Интер Майами» футболчиси Лионель Мессининг ўйинига қойил қолаётганини билдирди.

— Айни пайтда қайси футболчилар сизни кўпроқ ҳайратлантирмоқда?

— Биринчи навбатда, Месси.

У мутлақо бошқача футбол ўйнайди. Футбол тарихида унга ўхшаган бошқа ҳеч ким бўлмаган. У барчадан ажралиб туради ва ҳатто 40 ёшга яқинлашганида ҳам ўз маҳорати билан ҳайратлантиришда давом этмоқда. Унинг тенги йўқ.

Албатта, бошқа ажойиб футболчилар ҳам бор. Масалан, Ламин Ямал, Рафинья ёки «Реал»да ўйнайдиган Родриго. Менга Родригонинг ўйини жуда ёқади.

Аммо Месси — мутлақо бошқа даража. У уларнинг барчасидан, шунингдек, келажакда уларнинг ўрнини эгаллаши мумкин бўлган футболчилардан ҳам анча олдинда.

Унга ўхшаган футболчи бошқа ҳеч қачон пайдо бўлмайди, — деди Антонио Кассано.