Франция бўйлаб сентябрь ойи ўрталаридан бугунги кунга қадар давом этган кенг кўламли намойишлар вақтида 1193 нафар полициячи ва жандарм жароҳат олган.
Бу ҳақда Франция ички ишлар вазири Лоран Нуньес матбуот анжуманида маълум қилди.
Вазирнинг сўзларига кўра, жамият вакиллари, шунингдек, ўқувчилар ҳамда мактаб ходимларининг оммавий норозилик намойишлари тартибсизлик, зўравонлик, вандализм ва талончилик билан кечган. Бу жараёнда ҳуқуқ-тартибот идоралари ходимлари турли жароҳатлар олган, бироқ уларнинг аксарияти оғир бўлмаган.
Қайд этилишича, кўча намойишлари иштирокчилари полициячиларга тошлар ва петардалар отган, ҳатто томлардан уларнинг устига камин мўриларини ҳам ташлаган.
Нуньес шанба куни ўтказилиши режалаштирилган навбатдаги намойишлар муносабати билан Франция Ички ишлар вазирлиги куч ва воситаларни сафарбар этишини маълум қилди. Ушбу чоралар доирасида махсус бўлинмалар, отлиқ гуруҳлар, кинологлар, шунингдек, дронлар, вертолётлар ва бронетранспортёрлар жалб этилади.
«31 октябрь куни 70 минг нафар полициячи ва жандармни сафарбар этиш режалаштирилган. Бу 24 октябрдаги каби фавқулодда операция ҳисобланади», — дея изоҳ берди вазир. У шаҳар марказларида оммавий йиғилишлар ўтказишга нисбатан амалдаги тақиқ сақланиб қолаётганини яна бир бор тасдиқлади.
Таъкидлаш жоизки, «Сариқ нимчалар» ҳаракати ҳамда юқори синф ўқувчилари ва университет талабаларининг касаба уюшмалари шанба куни янги умуммиллий ижтимоий сафарбарлик кунини ўтказишга чақирган. Намойишлар, хусусан, ҳаёт қийматининг ошишига қарши қаратилган бўлиб, ушбу сана Хэллоуин байрамига тўғри келади.
Сунъий интеллект дунёдаги энг қиммат сурат муаллифлигини шубҳа остига қўйди
1-ноябрдан иссиқ сув ва иссиқлик энергияси нархлари 30% га ошади
Эстонияда асфальт тугади
