Франция терма жамоаси мухлислари ЖЧ-2026 яримфиналидан ўрин олган Испанияга қарши ўйинни қайтадан ўтказиш талаби билан петиция эълон қилди.
Франциялик ишқибозларнинг норозилигига Испания фойдасига белгиланган пенальти сабаб бўлган. Уларнинг иддаосига кўра, вазият давомида Ламин Ямал тўпга қўли билан тегинган.
“Испания фойдасига пенальти белгиланаётган вазиятда Ламин Ямал қўл билан ўйнаган эди. Франция ўйиннинг боришини бутунлай ўзгартириб юборган бу биринчи голни ўтказиб юбормаслиги керак эди. Спорт қоидаларга асосланиши лозим, аммо ўша баҳсда ушбу қоидаларга риоя қилинмади”, дейилади петиция матнида.
Айни пайтга келиб, ушбу петицияни 76 минг киши имзолаган. Қолаверса, учрашувдан сўнг Франция терма жамоаси бош мураббийи Дидье Дешам ҳам ҳакамнинг хатти-ҳаракатлари ва қарорларидан норози эканлигини билдириб ўтган.
Маълумот учун, Испания яримфинал баҳсида Францияни 2:0 ҳисобида мағлуб этган эди. Энди Франция терма жамоаси учинчи ўрин учун кечадиган баҳсда Англияга қарши майдонга тушади.
"100 миллион доллар эвазига ҳатто ўз отамнинг ҳам юзига ураман"
Шавкат Раҳмонов энди октагонга умуман қайтмайди
Ўзбек футболчиси УЕФА Чемпионлар лигасида еттинчи учрашувини ўтказди
