Франция Россия билан урушга тайёргарлик кўрмоқда(ми)?

Франция Қуролли кучлари Бош штаби бошлиғи генерал Фабьен Мандон Франция армияси Россия билан урушга тайёр бўлиши кераклигини айтди.

Бу ҳақда Le Figaro нашри хабар тарқатди.

1 сентябрь куни Франция қуролли кучларига раҳбарлик қилган Мандоннинг сўзларига кўра, у армияга "уч-тўрт йил ичида урушга тайёр бўлиш" вазифасини қўйган.

"Бу ўзига хос синов бўлади: эҳтимол, биз аллақачон бошдан кечираётган гибрид уруш шаклида ёки эҳтимол, янада қаттиқроқ тўқнашувдадир. Россия бизнинг қитъамизда урушни давом эттиришга уриниб кўриши мумкин бўлган давлат ва бу менинг тайёргарлик режамдаги ҳал қилувчи омил", — дея қўшимча қилди генерал.

Унинг қўшимча қилишича, бундай шароитда Франция биринчи навбатда ҳарбий бюджетини ошириши керак. Мудофаа бюджети лойиҳасида 2026 йилда 57,1 миллиард еврогача, бу йилга нисбатан 13 фоизга ўсиш кўзда тутилган. Мамлакатнинг ҳарбий харажатлари ялпи ички маҳсулотнинг 2,2 фоизини ташкил қилади.