Флойд Мейвезер май ойида Тошкентга келади

Профессионал боксдаги фаолиятини мағлубиятсиз якунлаган Флойд Мейвезернинг май ойининг иккинчи ўн кунлигида юртимизга ташрифи кутилмоқда.

Америкалик афсонанинг ташриф дастури ўз ичига бир нечта тадбирларни олади. Бизга маълум бўлишича, Флойд пойтахтимизда ўтказиладиган катта проф бокс оқшомининг фахрий меҳмони бўлади. Ўз номидаги бренд франшизасини олиб, Тошкентдаги фаолиятини юритаётган залга ташриф буюради.

Маълумот учун, фаолияти якунлаган профессионал боксчимиз Санжар Раҳмонов ўз вақтида Флойд Мейвезерга тегишли промоутерлик компанияси мижози ҳисобланган ва ўз жангларини The Money Team байроғи остида ўтказган.