Fire Point компанияси асосчиси "Patriot'нинг арзон муқобилини" яратмоқчи

Компания асосчиси Денис Штиллерман "Patriot ҳаво ҳужумидан мудофаа тизимининг арзон муқобилини" яратишда иштирок этаётганини маълум қилди.

Хабарларга кўра, гап кўплаб давлатлар иштирок этаётган "Freya" Европа лойиҳаси ҳақида кетмоқда. Мазкур лойиҳа доирасида баллистик ракеталарни уриб туширишга қодир бўлган АҚШ Ҳаво ҳужумидан мудофаа тизимига муқобил восита ишлаб чиқилмоқда.

Штиллерманнинг сўзларига кўра, ижобий натижаларга эришилса, янги Ҳаво ҳужумидан мудофаа тизими ёрдамида биринчи нишонларни йил охиригача уриб тушириш мумкин бўлади.

Шунингдек, у Украина томонидан "Freya" дастурига Миллий хавфсизлик ва мудофаа кенгаши котиби Рустем Умеров раҳбарлик қилаётганини таъкидлади. Штиллерманнинг айтишича, у Умеров билан мунтазам равишда, жумладан, кеча ҳам телефон орқали мулоқот қилган.

Оммавий ахборот воситаларининг маълум қилишча, ҳам Умеров, ҳам Fire Point компанияси Украина Миллий аксилкоррупция бюроси томонидан мудофаа соҳасидаги коррупция бўйича юритилаётган жиноий ишларда иштирок этаётган шахс сифатида ўтмоқда.