Халқаро футбол федерациялари (ФИФА) "Реал" ҳимоячиси Антонио Рюдигернинг клублар ўртасидаги жаҳон чемпионати гуруҳ босқичи 2-тури доирасидаги "Пачука"га қарши ўйиннинг сўнгги дақиқаларида ирқчилик билан ҳақоратлангани ҳақидаги баёнотларига муносабат билдирди.
"Ўйин ҳақидаги ҳисоботлар таҳлил қилингач, ФИФА тартиб-интизом қўмитаси 22 июнь куни Шарлоттада бўлиб ўтган клублар ўртасидаги жаҳон чемпионати ўйинида "Пачука" футболчиси Густаво Кабрал ва "Реал" футболчиси Антонио Рюдигер иштирокидаги воқеа юзасидан тергов бошлади," - дейилади ФИФА расмий сайтида.
32 ёшли германиялик ўйин охирида аргентиналик билан жанжалдан кейин ғазабланган ва бразилиялик ҳакам Рамон Абатти Абел билан воқеа ҳақида гаплашган. "Пачука" футболчисининг ўзи "Реал" ҳимоячисини ирқий сабабларга кўра ҳақорат қилганини рад этди: "Ҳакам ирқчилик ишорасини кўрсатди, лекин мен унга фақат бир гапни айтдим - қўрқоқ."
Маҳмуд Мурадов: "Тахминан 700 минг АҚШ доллари минусга кирдим"
Рафинья футболчилик фаолиятини якунлади
Абдуқодир Ҳусанов “Реал” футболкасига имзо қўйишдан бош тортиб, “Манчестер Сити” фанатларининг қалбини забт этди
