Келаётган ёзда АҚШ, Мексика ва Канада футбол бўйича Жаҳон чемпионатига мезбонлик қилади. Мезбон мамлакатлардаги иқлим хусусиятлари (иссиқ ҳаво) туфайли, ҳар бир тайм ўртасида уч дақиқалик мини-танаффус жорий этилади. Ушбу танаффус вақтида футболчилар сув ичишлари ва бироз дам олишлари мумкин бўлади. Шу тариқа, ФИФА спортчиларнинг саломатлигини ҳимоя қилишни мақсад қилган.
The Athletic нашрининг хабар беришича, ФИФА телеканалларга ушбу мини-танаффуслар вақтида трансляцияни тўхтатиб, реклама кўрсатишга рухсат беради.
Жаҳон кубогини ушбу мундиалда Аргентина терма жамоаси ҳимоя қилади. ЖЧ-2026 гуруҳ босқичида «альбиселесте» Жазоир, Австрия ва Иордания терма жамоаларига қарши баҳс олиб боради.
Машҳур модель Ҳусановга учрашув таклиф қилди
"Манчестер Сити" ҳам Абдуқодир Ҳусановга мурожаат қилди
Роналду ўз мақсадига эришди
