Фарғона давлат университети дунёнинг энг барқарор университетлари қаторида

Фарғона давлат университети 2025 йилги UI GreenMetric World University Rankings натижаларига кўра, 105 давлатдан иштирок этган 1 745 та олий таълим муассасаси орасида дунё бўйича 327-ўринни эгаллади.

Асосий натижалар:

Халқаро даражада:

• Энергия ва иқлим ўзгариши йўналишида — 36-ўрин
• Таълим ва илмий тадқиқотлар йўналишида — 79-ўрин

Миллий кўрсаткичлар:

GreenMetric рейтингига Ўзбекистондан 79 та университет киритилган бўлиб, Фарғона давлат университети мамлакат ОТМлари орасида умумий ҳисобда 2-ўринни эгаллади.

• Энергия ва иқлим ўзгариши йўналишида — 1-ўрин
• Таълим ва илмий тадқиқотлар йўналишида — 2-ўрин

Мазкур натижалар Фарғона давлат университетининг барқарор ривожланишга қаратилган сиёсати, иқлим ўзгаришига қарши чора-тадбирлари, илмий-тадқиқот фаолияти ҳамда “яшил кампус” инфратузилмасини изчил ривожлантириб бораётганини яққол намоён этмоқда.