Европанинг энг йирик газ конида қазиб олиш ишлари тўхтатилди

1- октябр куни Нидерландиянинг Гронинген шаҳридаги Европанинг энг йирик конида газ қазиб олиш тўхтатилди. Бу ҳақда ANP агентлиги маълум қилди.

Хабарга кўра, Гронинген кони 1959-йилда очилган. Ўзининг энг юқори чўққисида йилига 50 миллиард куб метрдан ортиқ газ қазиб олинган. Бироқ зилзилалар туфайли 2018-йилда ишлаб чиқаришни босқичма-босқич қисқартириш ва конни ёпиш тўғрисида қарор қабул қилинди.

Июн ойида Голландия ҳукумати 2023-йил 1-октябрдан бошлаб Гронингенда газ қазиб олишни бутунлай тўхтатишга қарор қилди.

Шу билан бирга, фавқулодда вазиятларда, масалан, совуқ қиш туфайли коннинг ишлашини тикланиши мумкинлиги айтилган.

Айни пайтда коннинг фаолиятини бутунлай тўхтатиш учун парламент қарори зарурлиги айтилмоқда.