“Европа можарони истайди, Трамп эса тинчликни” — АҚШ давлат котиби Римда нима эшитди?

АҚШ давлат котиби Марко Рубионинг айтишича, у Римга ташрифи чоғида кардиналлардан биридан Европа ҳарбий можарога интилишини, Вашингтон эса тинчлик тарафдори эканини эшитган.

Бу ҳақда РИА Новости ёзмоқда.

"Мен учрашган кардиналлардан бири шундай деди: "Америка президенти тинчликни хоҳлаши, баъзи европаликлар эса дунё остин-устун бўлиб кетгандек, доимий равишда ҳарбий ишларга чақиришлари биз учун жуда ғайриоддий," - дея Рубионинг сўзларини келтиради агентлик.

Унинг аниқлик киритишича, АҚШ президенти Дональд Трамп мудофаага эмас, иқтисодиётга пул тикишни афзал кўради.