Европа Комиссияси Украина ҳарбий-саноат комплексига сармоя киритиш бўйича биринчи шартномаларни имзолади

Европа Комиссияси Украина ҳарбий-саноат комплексига инвестициялар бўйича биринчи шартномаларни имзолади.

Бу ҳақда Брюсселда бўлиб ўтган ЕИ ва Украина ўртасида мудофаа саноати соҳасида ҳамкорлик бўйича конференцияда Европа Иттифоқи ташқи сиёсат хизмати бош котиби ўринбосари Шарль Фрис маълум қилди.

"ЕИ ташқи сиёсат бўйича раҳбари 9 май куни ЕИ Украина ҳарбий саноатига 1 миллиард евро сармоя киритишини айтди ва биринчи шартномалар аллақачон имзоланган”, — деди Фриц. У, шунингдек, Украина “Европа Иттифоқи ҳарбий-саноат комплексига кўп нарсани ўргатиши мумкин” деган фикрни билдирди.

Унинг сўзларига кўра, ЕИ ва Украина Брюссел ва Киев ўртасидаги ҳарбий-техник ҳамкорлик билан шуғулланадиган “яна бир қўшма комиссия” тузишга қарор қилган.

Фриснинг таъкидлашича, Европа дипломатияси раҳбари Кая Каллас форумда шахсан иштирок эта олмаган, гарчи у ташкилотчилар томонидан эълон қилинган бўлса-да, лекин иштирокчиларга ўзининг "езгу тилаклари"ни етказган.

Аввалроқ ЕИ Европа Иттифоқи Украинани қўллаб-қувватлаш учун жами 150 миллиард евро сарфлагани, шундан 50 миллиард евро Киевни қурол-яроғ билан таъминлашга кетгани, бу ЕИ ялпи ички маҳсулотининг 0,1 фоизини ташкил этгани ҳақида маълум қилганди.