Европа Комиссияси Президенти Урсула фон дер Ляйен Саудия Арабистонига қилинган ҳусийларнинг ҳужумларини қоралади ва Форс кўрфазидаги шериклари билан бирдамлик билдирди.
Европа Комиссияси Президенти бу ҳақда ижтимоий тармоқ саҳифасида ёзди.
"Мен ҳусийларнинг Саудия Арабистонига қилган ҳужумларини қоралайман. Биз Эрон вакилларининг давом этаётган ҳужумларига қарамай, Форс кўрфазидаги шерикларимиз билан бирдаммиз", деб ёзган фон дер Ляйен.
У Европа Иттифоқи Ҳормуз бўғози орқали хавфсиз ва эркин ўтишни таъминлаш ва Яқин Шарқда барқарорликни сақлаш учун шериклар билан ишлашда давом этишини таъкидлади.
"Бу барчамиз учун муҳим", деб қўшимча қилди Европа Комиссияси Президенти.
Аввалроқ ҳусийлар Яманнинг бутун ғарбий қирғоғини назоратга олгани ва стратегик жиҳатдан муҳим Боб эл-Мандеб бўғози устидан назоратни кенгайтиргани ҳақида хабар берилган эди.
Буқа 300 минг долларга сотилди
Никоҳ ёшига етмаганларга фақатгина иккита узрли сабаб билан оила қуришга рухсат берилади
"СИ шу ўн йиллик охирига келиб барчамизни ўлдириши мумкин"
