2025-йил 16-май куни Албанияда бўлиб ўтган Европа Сиёсий Ҳамжамияти саммитида Россияга нисбатан янги санкциялар жорий этиш масаласи асосий мавзулардан бири бўлди. Саммитда Британия Бош вазири Кир Стармер, Франция Президенти Эммануел Макрон, Германия канслери Фридрих Мерц ва Украина Президенти Владимир Зеленский иштирок этди.
Европа Иттифоқи Политиcо нашрига кўра, агар Россия Киев томонидан таклиф этилган 30 кунлик ўт очишни тўхтатиш режимига рози бўлмаса, унга қарши тўлиқ савдо эмбаргосини жорий этиши мумкин.
Шу билан бирга, статистик маълумотларга кўра, Россия ва Евроиттифоқ ўртасидаги савдо ҳажми 2023-йилда 67 миллиард еврога тушган — бу 1999-йилдан бери энг паст кўрсаткич. Бироқ айрим давлатлар билан, жумладан Ирландия, Франция ва Хорватия билан савдо ҳажмида ўсиш қайд этилган.
Экспертлар фикрича, тўлиқ эмбарго Россия иқтисодиётига сезиларли зарар етказиши мумкин, айниқса энергия ва хомашё соҳаларида. Бироқ Россия сўнгги йилларда савдосини Хитой, Ҳиндистон ва бошқа санкцияларга қўшилмаган давлатларга йўналтириб, қисман мослашди.
Европа учун ҳам бундай чора осон кечмайди. Эмбарго хомашё нархларининг ошишига, ишлаб чиқариш занжирларининг бузилишига ва иқтисодий йўқотишларга олиб келиши мумкин. Бундан ташқари, Евроиттифоқ ичида ҳам бу борада ягона фикр йўқ — Венгрия ва Словакия каби давлатлар кескин чораларни қўллаб-қувватламаяпти.
Шунга қарамай, Евроиттифоқ санкцияларни четлаб ўтишга қарши назоратни кучайтириш, нефт ташувчи “кулранг флот”га қарши чоралар ва стратегик маҳсулотлар рўйхатини кенгайтириш бўйича иш олиб бормоқда.
Гўзаллик маликаси 9 ойга қамалди
"Сизлар бизга террорчи, биз эса сизларга сув берамиз"
Эстония ва Россия ўртасида жанг чиқишига сал қолди
