АҚШнинг ракета тизимлари Россия хавфсизлигига бевосита таъсир кўрсатадиган ҳудудларда тобора кўпроқ пайдо бўлмоқда

Бу ҳақда Россия Ташқи ишлар вазири ўринбосари Сергей Рябков маълум қилди.

Сергей Рябковнинг таъкидлашича, айнан шу сабабдан Россия ўрта ва қисқа масофага учувчи ракеталарни жойлаштириш бўйича мораторийни бекор қилишга қарор қилган.

"Россия анчадан бери агар АҚШ ва унинг иттифоқчилари ўрта ва қисқа масофага учувчи ракеталарни жойлаштириш бўйича сиёсатида ижобий ўзгаришлар қилмаса, Москва мораторийни сақлаб қолмаслигидан огоҳлантириб келаётган эди", — дея қўшимча қилди Рябков.