Трамп Украинага хиёнат қилди?!

Трамп Украинага хиёнат қилди, дунё тартиби эса барбод бўлмоқда, деб хабар бермоқда The Telegraph.

Шарҳ муаллифи Даниэл Ханнан фикрича, Аляскадаги Трамп-Путин саммити Ғарб учун амалда мағлубият бўлади: Россия босиб олинган ҳудудларнинг катта қисмини ўзида сақлаб қолади, санкциялар юмшатилади, АҚШ эса Украинага қурол етказиб беришни тўхтатади.

Муаллифнинг таъкидлашича, Киев Зеленский шахси туфайли эмас, балки Атлантика Хартияси ва БМТ Низомида мустаҳкамланган халқаро тартиб – чегараларни куч билан ўзгартириб бўлмайди деган тамойилни ҳимоя қилиш учун қўллаб-қувватланган.

Агар Путин ютган нарсасини сақлаб қолса, бу бутун дунёдаги диктаторларга НАТО ўз иттифоқчиларини ҳимоя қилмаётганига ишора бўлади, деб ёзади Ханнан.

"1945 йилдан кейин қурилган дунё кетмоқда ва унинг ўрнига совуқроқ ва қоронғироқ нарса келади", деб хулоса қилади шарҳловчи.