НАТО бош котиби: "Аляскадаги учрашуви Путин учун синов"

Россия президенти Владимир Путин АҚШ президенти Дональд Трамп билан музокарада ҳақиқатан ҳам Украинадаги можарога барҳам беришга қарор қилган ёки йўқлигини кўрсатади, деди НАТО бош котиби Марк Рютте. Шу билан бирга, Шимолий Атлантика альянси раҳбари икки президентнинг учрашуви тинчлик жараёнидаги муҳим қадам бўлишига умид қилмоқда. Агар бу содир бўлса, бу ҳудудлар бўйича музокараларнинг бошланиши бўлиши мумкин, деди у.

"Савол ўт очишни тўхтатгандан кейин қандай давом этиш кераклиги ҳақида бўлади... Гап ҳудудий масалага келганда, уларни бўлажак келишувда тан олиш ҳақида – Россия де-факто Украина ерларининг бир қисмини назорат қилишини – бу сиёсий де-юре тан олиш эмас, де-факто тан олиш бўлиши керак" - деди жаноб Рутте ABC News телеканалига берган интервьюсида.

У жаноб Трампнинг Россияни "ҳарбий можаро учун мукофотлайдиган" келишувларга эришишига йўл қўймаслик ниятига ишонишини айтди. "Кейинги жума муҳим бўлади, чунки бу Путин учун синов бўлади, у бутун жараёнга қанчалик жиддий ёндашади", деди у.

Аляскадаги музокаралар 15 августга белгиланган. Владимир Путин америкалик ҳамкасби билан Украинадаги можарони ҳал қилиш вариантларини муҳокама қилади, деди Россия президенти ёрдамчиси Юрий Ушаков.