Европа Иттифоқи Россияга қарши навбатдаги чекловларни тасдиқлашга тайёрланмоқда

Европа Иттифоқининг ташқи сиёсат бўйича олий вакили Кая Каллас Россияга қарши Европа Иттифоқининг навбатдаги — ҳисоб бўйича 20-санкциялар пакети 23 февраль куни ЕИ Ташқи ишлар вазирларининг саммитида тасдиқланишига ишонч билдирди. Бу ҳақда хорижий ОАВга таяниб хабар берилмоқда.

"Душанба куни биз Россияга қарши 20-санкциялар пакетини қабул қиламиз", — деди Каллас.

Бундан аввал ОАВлар ЕИга аъзо 27 та давлат элчилари 20 февраль куни бўлиб ўтган режали йиғилишда 20-санкциялар пакети бўйича келишувга эриша олмаганликлари ҳақида ёзган эди.