Бирлашган Араб Амирликларининг 1 май куни ОПЕК таркибидан чиқиши Арабистон ярим оролидаги кескинликни янада кучайтириши мумкин. Бунга Саудия Арабистони билан юзага келган иқтисодий келишмовчиликлар бевосита сабаб бўлмоқда.
Бу ҳақда Junge Welt газетаси ёзмоқда. Нашрнинг таъкидлашича, Абу-Даби келажакда анча кўп миқдорда нефть сотишни истайди ва ОПЕКнинг қазиб олиш квоталарини ўзи учун ҳаддан ташқари чекловчи деб ҳисоблайди. Маълумки, ушбу квоталар асосан Ар-Риёд томонидан белгиланади.
Мақолада, шунингдек, бундан ўн йил олдин жуда яқин шерик ҳисобланган икки давлат ўртасидаги низо бир неча йилдан бери ташқи сиёсат даражасида ҳам кескинлашиб бораётгани қайд этилган.
«Эрон билан урушнинг илк кунларида биргаликдаги мудофаа... мавжуд зиддиятларни яшириб келган эди. Бироқ якунда вазият яна кескинлашди. Кўринишича, Абу-Дабида Исроил ва АҚШ билан яқинроқ шериклик тарафдорлари бўлган „лочинлар“ ғалаба қозонмоқда, Ар-Риёдда эса Эрон билан мувозанат излаш тамойили устун келмоқда. Анчадан бери беқарор бўлиб турган минтақада навбатдаги низо куртак ёзмоқда», — дейилади нашр мақоласида.
«Реал» Мбаппе билан хайрлашадими?
Можтаба Хоманаий Путинга мактуб йўллагани маълум бўлди
Хитой аҳолиси Франция даражасида қисқариши мумкин: Иқтисодиёт хавф остида
