Эронда АҚШ ва Исроилни қўллаб-қувватлаганлар мулки мусодара қилинади

Эрон Бош прокуратураси АҚШ ва Исроилнинг мамлакатга қарши ҳаракатларини қўллаб-қувватловчи фуқароларга тегишли барча мол-мулкни мусодара қилмоқда.

«Огоҳлантириш чет элда яшовчи, Америка-сионист (Исроил) режимга ҳамдард бўлган, уни қўллаб-қувватлаган ёки турли йўллар билан ҳамкорлик қилган эронликларга қаратилган», деб хабар беради Reuters агентлиги Эрон Бош прокуратураси маълумотларидан иқтибос келтиради.

Идора фақат мусодара қилиш билан чекланиб қолмай, балки садоқатсиз фуқароларга нисбатан «қонунга мувофиқ бошқа ҳуқуқий чоралар» ни ҳам кўришини маълум қилди.

Reuters маълумотларига кўра, мамлакат ташқарисида 5 миллионгача эронлик яшайди, уларнинг аксарияти Қўшма Штатлар ва Ғарбий Европада. Чет элда яшовчи кўплаб таниқли эронликлар ижтимоий тармоқларда Эрон раҳбарияти ҳақида танқидий фикрлар билдиришди ва АҚШ ва Исроил ҳарбий операциясини қўллаб-қувватлашларини билдиришди.

Эрондаги сўнгги норозилик намойишларидан бери хориждаги эрон диаспораси аъзолари мунтазам равишда Эрондаги намойишчиларни қўллаб-қувватлаш учун Америка ва Европа шаҳарлари кўчаларига чиқишди.