Эрон терма жамоаси етакчиси Азмун операция қилинди (фото)

Бирлашган Араб Амирликларининг "Шабаб Ал-Аҳли" клуби ва Эрон терма жамоаси етакчиси Сардор Азмун Швейцарияда жарроҳлик амалиётини ўтказди.

Клуб миқёсида олган жароҳати туфайли ЖЧ–2026 саралаш босқичида Эрон терма жамоасининг сўнгги икки ўйинида иштирок этолмаган Сардор Азмун, Швейцариядаги тиббий клиникада жароҳат олган оёғини операция қилдирди.

Шифокорлар операция муваффақиятли ўтганини маълум қилган. Азмун икки ойдан сўнг майдонга қайтиши кутилмоқда, аммо у навбатдаги ФИФА кунларида ҳам Эрон терма жамоаси сафида ўйнай олмайди.