Эрон ракеталари етти яшар украиналик қизалоқ ва унинг онасининг ҳаётига зомин бўлди

Етти ёшли Настя оиласи билан Украинадан Исроилга рак касаллигига қарши даволаниш учун келган эди. Бироқ 14-июн куни Эрон томонидан отилган ракета Тел-Авив яқинидаги Бат-Ям шаҳридаги турар жой биносига тушди. Ҳужум натижасида 8 киши ҳалок бўлди. Йиғилиб қолган вайроналар остида Настя, унинг онаси, бувиси ва амакиваччалари қолиб кетди. Бу ҳақда Исроилнинг ynet ахборот портали хабар беради.

Настя оиласи билан 2022-йил декабр ойида Одессадан Исроилга келган. Унда ўткир лейкемия (қон саратони) аниқланган эди. Қизалоқ кимётерапиядан ўтган, аммо орадан вақт ўтиб, касаллик яна қайтган. Отаси Артём Украинада Қуролли Кучлар сафида қўшилиб, қизи даволаниши учун хайрия маблағлари йиғган бир пайтда, Настянинг онаси Мария, бувиси ва акаси у билан бирга Исроилга йўл олган эди. Энди эса уларнинг аксарияти Эрон ракеталари қурбони бўлди.

Настянинг онаси Мария ҳам, тахминларга кўра, ҳужумдан тирик чиқмаган. Расмий равишда у ҳозирча бедарак йўқолганлар рўйхатида турибди, аммо исми аллақачон ҳалок бўлганлар рўйхатига киритилган. Унинг жасадини излаш ишлари давом этмоқда.

Мария эри — Настянинг отаси — тирик. Уnga Украинани тарк этишга рухсат берилмаган. Айни пайтда Украина элчихонаси ушбу фожиани тасдиқлади: "Украинанинг беш фуқароси, шу жумладан уч нафар бола ҳалок бўлган". Ҳозирча жасадларни Украинга олиб кетиш имконсиз, чунки ҳаво макони ёпилган.