Эрон минтақанинг иқтисодий марказларига зарба бериш билан таҳдид қилди

Эрон АҚШ ва Исроил ҳужумлари давом этса, Яқин Шарқдаги барча иқтисодий марказларга зарба бериш билан таҳдид қилди.

Бу ҳақда Ислом инқилоби қўриқчилари корпуси (ИИҚК) генерали Иброҳим Жаббар хабар берди.

"Биз душманни огоҳлантиряпмиз: агар улар бизнинг асосий марказларимизга зарба беришга қарор қилсалар, биз минтақадаги барча иқтисодий марказларга зарба берамиз", деди у.

Генерал шунингдек, Эрон аллақачон Ҳормуз бўғозини ёпиш орқали иқтисодиётга босим ўтказаётганини таъкидлади: "Биз Ҳормуз бўғозини ёпдик. Нефть нархи ҳозирда 80 доллардан юқори ва тез орада 200 долларга етади".

Al Jazeera таъкидлашича, дунё нефтининг тахминан бешдан бир қисми Ҳормуз бўғози орқали ўтади, шунингдек, Қатар ва БААдан суюлтирилган табиий газ экспортининг катта ҳажми ҳам шу ердан ўтади. Дунёнинг кунлик нефть ҳажмининг тахминан 20% ёки кунига тахминан 20 миллион баррель ушбу денгиз йўлаги орқали ташилади.