Эрон Ислом инқилоби қўриқчилари корпуси Ҳурмуз бўғозида белгиланган ҳаракатланиш қоидаларини бузган ва рухсатсиз йўналишдан ўтган икки супертанкер кучли портлаш оқибатида тўхтатилганини маълум қилди.
«Tasnim News» хабарига кўра, корпус ҳарбий-денгиз кучлари жамоатчилик билан алоқалар бўлими воқеа кеча кечқурун содир бўлганини билдирган.
Баёнотда айтилишича, Ҳурмуз бўғозидаги денгиз ҳаракатини бошқариш маркази кемаларни жанубий йўналишнинг хавфли ва рухсат этилмагани ҳақида бир неча бор огоҳлантирган. Бироқ танкерлар белгиланган тартибни бузиб, мазкур йўналиш орқали ҳаракатланган.
Эрон томонининг даъвосига кўра, икки супертанкер жами 4 миллион баррелдан ортиқ нефть ташиган.
Инқилоб қўриқчилари корпуси Форс кўрфази ва Ҳурмуз бўғозида навигация тизимларини ўчириб қўйган ҳамда рухсат этилмаган жанубий йўналишдан фойдаланган бошқа кемалар ҳам худди шундай оқибатга дуч келиши мумкинлигини билдирган.
Ҳозирча танкерларнинг номи, улар қайси давлатга тегишли экани, экипаж аъзоларининг тақдири ва ҳодиса оқибатида етказилган зарар ҳақида қўшимча маълумот берилмаган.
Чақалоғини ҳожатхонага ташлаган аёлга 3 йиллик жазо тайинланди
АҚШ ва Эрон дастлабки келишувга эришиш сари илгариламоқда
"Европаликлар Абу-Дабига келишибди — майли, меҳмонхоналарида ўтираверсинлар"
