Эрон Қуролли кучлари минтақада вазият яна кескинлашган тақдирда АҚШ ва Исроилга қарши қўллаш учун мутлақо янги тезкор ҳарбий режа ишлаб чиқди. Бу ҳақда Эрон Ислом Республикаси Олий миллий хавфсизлик кенгаши котиби Муҳсин Ризоий маълум қилди.
Унинг таъкидлашича, қарши томонларнинг ҳарбий таҳдидлари минтақадаги стратегик кучлар мувозанатига таъсир кўрсата олмайди.
«Сўнгги кунларда Америка ва сионист амалдорлари томонидан янграётган бемаъни баёнотлар ва такрорий таҳдидлар мавжуд воқеликни ўзгартира олмайди», — деди Эрон расмийси.
Ризоийнинг сўзларига кўра, Эрон Ислом Республикасига қарши «янги ҳарбий авантюра» бошланган тақдирда, мамлакат Қуролли кучлари тайёрлаган жавоб чоралари «12 кунлик ва 40 кунлик урушлардагидан анча вайронкор» бўлади.
Шунингдек, Олий миллий хавфсизлик кенгаши котиби бу сафар Теҳрон одатдаги ҳарбий ҳаракатлар доираси билан чекланиб қолмаслигини алоҳида таъкидлади.
Унинг билдиришича, янги ҳарбий режа АҚШ ва Исроил ўрганиб қолган ҳамда кутаётган қоидалардан ташқарида амалга оширилади.
Рус қўшинлари Киевга олиб борадиган яхши асфальт йўлдан юрганида...
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Рашид Маликовнинг фильми Москвада бош совринни қўлга киритди
