Эрон АҚШ ва Исроил томонидан «нотўғри ҳисоб-китоб» қилиниши эҳтимолига тайёр турибди

Эрон АҚШ ва Исроил билан эҳтимолий можарога тайёрлигини билдирди.

Эрон парламенти Миллий хавфсизлик ва ташқи сиёсат қўмитаси раиси Иброҳим Азизий мамлакат қуролли кучлари АҚШ ва Исроил билан эҳтимолий ҳарбий можарога тайёр эканини билдирди.

Азизийнинг айтишича, Эрон армияси аввалгидан ҳам кўпроқ тайёргарлик ҳолатида ва АҚШ ҳамда Исроил томонидан «нотўғри ҳисоб-китоб» қилиниши эҳтимолига тайёр турибди.

У бу ҳақда ижтимоий тармоқдаги саҳифасида маълум қилган.

«Ишончингиз комил бўлсинки, улар оладиган жавоб аввалгидан ҳам қаттиқроқ ва вайронкорроқ бўлади», — деди Азизий.

У шунингдек, Эрон Қуролли кучлари эҳтимолий ҳарбий можарога тайёр ҳолда турганини таъкидлади.