Эрон АҚШ билан боғлиқ барча нефть ва газ инфратузилмасини йўқ қилмоқчи

Эроннинг энергетика иншоотларига зарба берилган тақдирда, Теҳрон Яқин Шарқдаги АҚШ билан боғлиқ барча нефть ва газ инфратузилмасини йўқ қилади.

Бу ҳақда Эрон Қуролли Кучларининг Хатам ал-Анбиа штаб-квартираси вакили шундай деди.

"Биз Эроннинг энергетика инфратузилмаси ва портларига қилинган энг кичик ҳужум ҳам бизнинг ҳалокатли ва вайронкор жавобимизни келтириб чиқариши ҳақида огоҳлантирамиз. Бундай зарба берилган тақдирда, Қўшма Штатлар ва унинг Ғарб иттифоқчилари манфаатдор бўлган минтақадаги барча нефть ва газ инфратузилмаси ёқиб юборилади ва вайрон қилинади", деб унинг сўзларини келтирган Эрон давлат телевидениеси.