Туркия президенти Ражаб Тоййиб Эрдўған ва унинг суриялик ҳамкасби Башар Асад ўртасидаги эҳтимолий учрашув тафсилотлари маълум қилинди.
Бу ҳақда “CNN Turk” хабар бермоқда.
Лидерлар август ойи бошида Россия пойтахти Москвада учрашиши мумкин. Учрашув Россия президенти Владимир Путин воситачилигида ўтказилиши кутилмоқда.
Бундан ташқари, мамлакат раҳбарлари Ироқ пойтахти Бағдодда ва Туркия-Сурия чегарасидаги Касеп дарвозасида учрашиши эҳтимоли ҳам мавжуд.
