«Эл-класико» пайтида Винисиус ва Ямал ўртасидаги тортишув тафсилотлари маълум бўлди

Мадриднинг «Реал» клуби ҳужумчиси Винисиус Жуниор Испания чемпионатининг 10-туридан ўрин олган «эл-класико» — «Барселона»га қарши баҳсдан кейин Ламин Ямал билан оғзаки тортишувга киришган. Беллашув 2:1 ҳисоби билан «Реал» фойдасига якунланган эди.

Учрашувдан сўнг Ямал майдонни тарк этар экан, Винисиус унга яқинлашиб шундай деган:

«Сен фақат орқага пас берсан! Кўп гапирасан. Ҳа, энди гапир-гапир!»

Бу сўзларини Yahoo Sports нашри келтирди.

Ҳозирги вақтда «Реал» 10 та учрашувдан кейин 27 очко билан Ла Лига пешқадами бўлиб турибди. «Барселона» эса 22 очко билан иккинчи ўринда. Шу тариқа, Хаби Алонсо шогирдлари Испания чемпионатидаги асосий рақибидан 5 очкога илгарилаб кетишди.