Эксперт: "ЦСКА тактикасидаги ўзгаришдан зарар энг кўп Файзуллаевга тегди"

ЦСКАнинг собиқ футболчиси Александр Гришин "ҳарбийлар" вингери Аббосбек Файзуллаевнинг мавсумнинг иккинчи қисмидаги ўйини ҳақида фикр билдирди.

Экспертнинг фикрича, схемадаги ўзгаришлар Файзуллаевга салбий таъсир кўрсатган.

"Аббос кўпроқ қанот ҳужумчиси, унга у ерда ўйнаш осонроқ. Ҳозир унинг позицияси ўзгарган, у ўзини ноқулай сезади, баъзан ўзини йўқотиб қўяди. Илгари у ёрқинроқ ўйнарди," - дея Гришиннинг сўзларини келтиради Legalbet.

Файзуллаев жорий мавсум РПЛ ва Россия кубогида 32 та учрашувда иштирок этиб, 3 та гол урди ва 7 та голли узатмани ўз ҳисобига ёздириб қўйди.