Европа Иттифоқи, агар АҚШ ўз мамлакатларидан жўнатиладиган товарларга бож жорий қилса, “кескин жавоб қайтаради”, деб ёзади Россиянинг ТАСС ахборот агентлиги.
Бу ҳақда Еврокомиссия вакилига таяниб, Agence France-Presse хабар берди.
Унинг сўзларига кўра, Европа Иттифоқи “паст тарифлар ўсиш ва иқтисодий барқарорликка ҳисса қўшишига ишончи комил”, бироқ “адолатсиз” тарифлар жорий этилса, Европа Иттифоқи “кескин жавоб беради”.
АҚШ президенти Дональд Трамп Канада, Хитой ва Мексикадан товарларга божлар жорий этиш тўғрисидаги фармонни имзолади. Мексика ва Канададан импорт қилинадиган маҳсулотлар учун 25% (Канада энергияси учун 10%) тарифлари қўлланилади. Хитойдан келаётган товарларга қўшимча 10 фоизлик бож жорий этилади.
Фармон 4 февралдан кучга киради. Канада, Хитой ва Мексика Қўшма Штатлар томонидан импорт қилинадиган барча товар ва хизматларнинг учдан бир қисмини ташкил қилади.
Россияликлар Исрoилга рекорд даражада кўчмоқда
Табиат инсондан ўч олмоқда
Россия банклари рекорд даражада даромад олди
