ЕЧЛ. "Барселона" "Боруссия"дан мағлубиятга учраб, кейинги босқичга йўл олди

Дортмунднинг "Боруссия" клуби ўз майдонида Чемпионлар лигаси 1/4 финал жавоб баҳсида "Барселона"ни мағлуб этди - 3:1.

Мезбонлар сафида ҳужумчи Серу Гирасси ҳет-трик қайд этди. Меҳмонларнинг ягона тўпини "Боруссия" ҳимоячиси Рами Бенсебайни ўз дарвозасига киритди.

Икки ўйин натижасига кўра 5:3 ҳисобида ғалаба қозонган "Барселона" Чемпионлар Лигаси ярим финалига йўл олди.

1/2 финалда каталонияликлар "Бавария" - "Интер" жуфтлиги ғолиби билан тўқнаш келади (биринчи ўйин - 1:2).